PAPUA Niugini nau i gat wanpela telefon kaunseling na sapot sevis long helpim ol pipel husat i
ekspiriensim famili o seksual vailens o husat i lukim famili o seksual vailens i kamap. Ol i kolim 1Tok
Kaunselin Helpim Lain.

Dispela telefon kaunseling na sapot sevis em i namba wan bilong PNG na em i wanpela telefon
kaunseling na sapot sevis tasol long kantri.
Ol wokmanmeri long dispela sevis i ken givim helpim long kraisis intavensen, kaunseling, sefti
plening na salim ol lain husat i nidim ol arapela sapot sevis i go long ol sapot sevis we i ken helpim ol.
Namba bilong ol em 7150 8000. Na ol pipel i ken ringim dispela namba long wanem taim ol i laik long
kisim helpim o taim ol i nidim helpim.
Em i op long 24 aua long olgeta de bilong wik na em i fri.
Famili na Seksual Vailens Eksen Komiti i mekim dispela i kamap wantaim sapot bilong New Zealand
Aid Program, long New Zealand Hai Komisin long Pot Mosbi, UN Women, UNICEF na St John
Ambulance PNG.