GAVANA Jenerel Sir Bob Boeng Dadae las wik Fraide i sainim ol pepa long makim stat bilong wok long Hiri Lai Haiwe.

Dispela rot bai i kirap long Hela Provins na ran i go long Sauten Hailans Provins.

Aninit long dispela kontrak wok dispela rot ol bai i putim kolta na strongim dispela 26.4 kilomita rot. Mani mak bilong dispela kontrak em moa long K66 milien. Dispela mani mak i karamapim tu takis na ol arapela kost na gavman bilong PNG yet i putim mani long dispela projek.

Gavman i givim dispela kontrak long Ipwenz Construction Limited. Menesing Dairekta bilong kampani Moses Palipe na Sethy Palipe i bin sainim dispela kontrak long gavman haus. Seketeri bilong Dipatmen bilong Woks David Wereh i bin witnesim na sainim tu dispela kontrak.

Stori na piksa Nicky Bernard