IS Nu Briten Provinsal Gavman ol i tok orait pinis long K416 milien mani plen bilong en long wik i go pinis.

Provinsal edministreta Wilson Matava i tokaut long en long taim bilong long 2021 dedikesen lotu bilong ol wok lain bilong pablik seven ot gavman woklain long Warangoi Sekenderi Skul.

Moa yet em i tok olsem K100milien i no stap insait long dispela mani plen bikos ol gavman dipatmen i stap aninit long bikpela gavman insait long provins

Matava i tok olsem K416 milien mani plen long displa yia 2021. Em i tok dispela em K7 milien moa long las yia.

Na tu ENB bai i mekim K500,000 milien long ol takis ol kampani bai I peim i go long Is Nu Briten Provinsal Gavman.

Matava i tok K10milien bai go long ol long sapotim ol wod long karimaut wok bilong ol long kisim sevis i go long ol manmeri i stap long ol komyuniti bilong ol. Na K26milien bai i go stret long ol wod long karimaut wok long kirapim gutpela sindaun bilong ol.

Ol distrik edministreta i mas wokbung wantaim ol LLG presiden long bihainim trupela na stretpela pasin na putim mani  long ol wod long kirapim wok bilong helpim sindaun bilong ol pipel, Matava i tok.

Matava i salensim ol wok manmeri  bilong gavman long mekim wok bilong ol wantaim trupela na stretpela pasin long givim sevis long ol manmeri bilong ENB.

Long 2020 COVID-19 i bagarapim ol wok olsem na dispela yia mipela bai traim wokim gut ol wok gen. Dispela baset i luksave na plen tu long mekim wok bilong daunim sik COVID-19.

Michael Novingu i raitim