PRAIM MINISTA i mas soim rispek long disisen bilong Suprim Kot long taim bilong skelim royalti mani bilong Lihir MOA.

Sir Julius Chan i mekim dispela toktok bihain long Praim Minista i bin salim pas i go long  Minista bilong Maining, Johnson Tuke long 26 Janueri, 2021 long brukim royalti mani aninit long LIhir MOA i go long tupela distrik na Nu Ailan Provinsal Gavman.

Sir Julius i tok Suprim Kot i bin mekim disisen long 2017 olsem ol tupela memba bilong palamen i no stap insait long Lihir MOA olsem na ol i no inap long kisim mani i kam stret long ol royalti bilong Lihir.

Em i tok long taim Ian Ling Stuckey i bin Gavana na Walter Schnaubelt i makim ol yut long Provinsal Asembli, ol i no bin serim ol Royalti mani wantaim tupela distrik.

Sir Julius i tok Paki (Paki Report) i bin oditim K64 milien na givim long ol atorti olsem Ombudsmen Komisin. 

Sir Julius i tok strong olsem em bai salensim wanem senis i kamap long dispela royalti mani bilong Lihir MOA.