Mak olsem 259 manmeri i dai long sik Tubercolosis (TB) long PNG long mun Janueri 2021. Dispela namba i kam long opis bilong Business bilong Health long PNG ino long taim i go pinis.

Taim gavman i wok long lukluk long COVID-19, planti manmeri i wok long dai long sik TB insait long kantri.

Wanpela Dokta long Business bilong Health long PNG, Dokta Ann M Clarke i tok ol TB lain i nidim planti luksave na helpim ol sikmanmeri. Namel long 3-pela wik tasol na moa long 250 laip i lus long wanpela sik tasol TB em i gat marasin long stopim na i stap  long olgeta klinik

“COVID-19 tu i ken kilim ol man tasol TB i wok long kilim ol liklik pikinini na ol yangpela manmeri,” Dokta Clarke i tok.

Ol i nidim moa samting long helpim ol lain husat i gat dispela sik.

“PNG em i stap namel long 30 kantri husat i gat bikpela namba bilong ol manmeri wantaim sik TB long wol dispela,” Dokta Clarke i tok.

Ol wok painimaut long Bisnis bilong Helt wantaim patnesip long depatmen bilong helt i wok long kamap yet.

UPNG Jenelis Sumatin Samantha Solomon i raitim