Praim Minista James Marape i tok fomaa Praim Minista na Atoni Jenerel Davis Steven i wok long isi long tok orait long Independent Commission Agaist Corruption (ICAC).

Dispela toktok i kamap taim Steven i mekim tok long wanpela stetmen olsem Praim Minista i bin givim sampela intruksen we klostu ol inap long rausim dispela ICAC bil.

Marape i tok yupela ol pipel i mas save olsem taim mipela i bin pasim dispela lo long Novemba 12, 2020, Steven i bin go long oposisen.

“Davis i mas save olsem dispela ICAC lo em mi bin wokim,” Marape i tok. Em bin kisim planti taim long givim aut dispela lo tasol me tokim em na em bin givim aut.

“Mipela i tok orait pinis na nau nupela Jastis Minista Bryan Kramer bai mekim wok long dispela.

Me tokim Davis long mekim ol lain long narapela kantri i mas stap long givim dispela lo long PNG na i no ol lain PNG yet.

Planti ol Praim Minista i bin toktok long dispela lo tasol mipela i mekim kamap long pait long korapsen. Me laik kamap wanpela Praim Minista bilong pait long Korapsen long dispela kantri wantaim dispela lo.

Sapos Steven em tru tru i laik pait long korapasen em i mas tokaut long as em i bin lusim gavman . Na em bai stap long gavman bilong mi olsem wanpela Atoni Jeneral.

Praim Minista i tok ICAC wantaim Ombudsman Commission tupela wantaim bai inap long bung wantaim na pait long korapsen.

“Las wik mi tokim tupela ICAC na Ombudsmen Commission olsem tupela i gat wankain wok na i mas wok wantaim long ai bilong Jastis Minista Bryan Kramer na Jastis Sekreteri Dokta Eric Kwa.

“Bai mi mekim wok moa yet long dispela Whistle Blowers Act Davis i mekim long en tu na bai em i ken helpim long ripot ol korapsen pasin,” Marape i tok.

Sampela ol narapela lo i bai kamap yet long pait wantaim korapsen.

UPNG Jenelis Sumatin Samantha Solomon i raitim