Polis i holim man we i bin ranawe long kalabus seken taim long Mande 18 Janueri.

Dispela man em i saspek bilong bikpela stil bilong K1.2 milien long Jacksons Ples Balus long 2016.

Rauna Taberi i gat 40 krismas na bilongWasuma viles long Rigo Sentrel provins. Em wanpela bilong ol 5-pela saspek husat i bin stilim mani long diwai kampani insait long Tropic Air hengar long Jacksons Ples Balus long 2016.

Ol narapela pren bilong em i nau stap long Bomana haus kalabus na wet long kot.

Joel i bin ranawe long 2016 na ol polis holim em long 2019 na em i ranawe gen long 2020 na nau ol polis i holim em bek ken.

Komanda bilong NCD Sentrel Asisten Komisina Anthony Wagambie Junior i tok wanpela NCD Armed Robbery Skwad i lukim Joel kalap long PMV long Waigani i go daun long Downtown na em i go kaikai wantaim wanpela meri pren bilong em long haus kaikai stap na ol polis i holim em.

ACP Wagambie i amamas tru long husat ol polisman i bin wok long holim dispela man.

UPNG Jenelis Sumatin Martina Takaneng i raitim