Koreksenel Sevis Institut i tingim bek promis em i mekim long sevim gavman long san kamap sevis bilong en long namba 19 Koreksenel Sevis Remeberens De o de bilong tingim i go bek.

Long dispela taim Komisina bilong CIS, Stephen Pokanis i toktok moa long tingting i go bek long manmeri i lusim laip long hevi long Bogenvil bipo. Em i askim ol opisa na ol lain husat i go long dispela san kamap sevis long tingting tu long ol gutpela bilong stap stret na stap oltaim wantaim gavman na pipel bilong Papua Niugini.

Komisina Pokanis i tok, CS em i wanpela institusen bilong gavman we i no save komplen maski kain kain samting i ken kamap.

Namel long sevis ol mausman bilong manmeri bilong lukautim lo i bin putim i go daun ol het bilas na givim rispek long ol wanwok bilong ol husat i bin lusim laip o i klostu long lusim laip taim ol i sevim ol pipel bilong Papua Niugini.

Ol biklain husat i bin stap long dispela taim em Minista bilong CIS  Win Bakri Daki, Komisina Stephen Pokanis na Reveren Jack Moha bilong Yunaitet Sios.

Kinsgley Tabing i raitim