Ol lain bilong mekim awenes long bai ileksen bilong Bogenvil i stat mekim wok las wik long Bogenvil.
Dispela em i bilong redim ileksen bilong Rijinol Sit bilong Bogenvil we Joel Lera i bin lusim na go resis
long presidn sit.

Ekting Dairekta bilong PNG Ilektrol Komisin, In fomesen na Komyunikesen na awenes Fredrick
Sarikey i tok pasin bilong toksave i go pas em i impoten bilong wane mol pipel i mas save long proses
bilong ileksen na ol i ken vot.
“Olsem ol narapela ileksen i bin kamap long 2019, dispela ileksen em i impoten. Dispela man o meri
husat yupela i makim bai i kamap mausman o mausmeri long nesenel level long karim hevi na wari
bilong yupela i go, Sarikey i tok.
Mista Sarikey i askim ol manmeri long makim wanpela man o meri ol i ting bai karim ol hevi bilong ol
i go long nesenel palimen na bringim sevis i kam.
Ol lain long Bogenvil i mas harim gut ol awenes toktok ol awenes tim i mekim na ol i bai mekim rait
disisen tai mol i vot.
Poling bilong Bogenvil riginol sia bai kamap long dispela Sarere 16 wanpela de tasol long olgeta hap.
Ol bai kauntim ol namba wan vot long ol rijen na namba i ran 2 na 3 vot ol bai kauntim long Sentral
Kaunting Senta long Buka.

Joan Nick i raitim