Opis bilong PNG Ilektoral Komisin i tok ol i redi long kaunim gen ol vot bilong Kandep
ileksen.

Ekting Ilektoral Komisina, Simon Sinai i tok opis bilong em i wetim yet K6 milien em opis i
askim Treseri Dipatmen long givim long ol bipo long ol i ken i go het long kaunim ol vot.
Em i tok neks wik opis bilong em bai kisim ol balot pepa i go long Wabag polis stesin.
Taim Treseri i givim ol mani, ol bai kisim ol balot pepa i go long Kundiawa, Simbu Provins
na kaunim.
Reveren Tom Sine bai go pas olsem Ritening Opisa na Westen Hailans Ileksen Menesa Philip
Telape na Simbu Ileksen Menesa Antonia Nilkare bai stap olsem ol asisten ileksen ritening
opisa.
Sinai i tok ol wok redi bilong sekyuriti i kamap gut tu olsem em i bin toktok wantaim Polis
Komisina David Manning pinis long putim gutpela was long dispela taim bilong kaunting.
“Inap long K6 milien mani em PNG Eketoral opis i bin askim long kisim long Treseri
Dipatmen long kaunim ol vot.
“Mipela i makim taim tu long taim ol mipela bai kisim ol balot pepa long Wabag na kisim
long Kundiawa.”
Sinai i tok wok bilong kaunim ol vot na tokaut long risalt bipo long 19 Februeri, 2021 olsem
oda bilong Kot i tok.
Olpela memba bilong Kandep, Don Polye i kisim win bilong “sitting” Memba, Alfred
Manase i go long Kot-bilong-Dispiutet Riten na Kot i givim oda long kaunim gen ol vot.