PNG Ilektoral Komisin i plen long holim Mosbi Not-Wes bai ileksen long Februeri o Mas.

Komisin i mekim dispela tok long dispela wik long taim em i tokaut long Bogenvil rijonal
bai-ileksen na kauniml vot bilong Kandep Open.
Dispela bai kamap bihainim dai bilong Sir Mekere Morauta husat i bin memba bilong
Mosbi Not-Wes.
Sir Mekere i bin winim dispela sia long 2017 Jenerel Ileksen.
Eking Ilektoral Komisina, Simon Sinai i tok opis bilong em bai tokaut gut long program
bihain long taim sori bilong Sir Mekere i pinis.
Sir Mekere i bin holim dispela sia long 2002 i go long 2012 na i ritaia long politiks tasol
em i go bek long resis long 2017 na em win gen.
Tasol bihain long dai bilong em, dispela sia nau i stap fri.
Memba husat i win bai stap wanpela yia tasol na kantri bai go insait gen long Jeneral
ileksen long neks.
Em i save kost bikpela mani olsem K8 milien i go long K15 milien long ranim wanpela
ileksen bilong open sia.
Sapos gavman i gat mani, dispela bai orait tasol sapos nogat, dispela bai bikpela salens
bilong PNG Ilektoral Komisin.