Vailens em i no pasin bilong laikim narapela. Tokaut sapos yu nidim helpim, Kampani
Seketeri bilong Bank South Pacific (BSP), Mary Johns i tok.

Mary em i wanpela memba bilong ol ekseketiv menesmen tim bilong BSP na em tu i laik
toktok strong long stopim Famili na Seksual Vailens (FSV). Em i bin luksave long FSV taim em
i statim wok laip bilong en long prektisim famili lo na bihain i kamap legal opisa bilong BSP.
Em i save helpim ol wanwok bilong en, husat i bin stap insait long FSV.
Longpela taim tru em i mekim wok long daunim FSV na em i lukim olsem FSV i pulap long
olgeta level long sosaiti. Em i bilip olsem vailens i wok long kamap yet na i stap yet maski
sapos planti awenes i kamap long daunim na stopim. Em i tok, taim ol pipel i kisim skinpen
long vailens o lukim vailens i kamap long haus bilong ol, ol i ting olsem em i nomol na em i
orait olsem na i hat tru long pinisim pasin bilong vailens.
Em i laikim ol lain i bungim birua long FSV long save olsem, “Yu inap long kisim laikim, kea na
rispek. Askim long helpim sapos yu nidim. Stap strong na sanap na lukautim yu yet na
tokaut.”
Mary i laikim ol lain husat i save kamapim FSV tu long save olsem, “Sapos yu nidim helpim,
go aut na askim long helpim. No ken paitim ol lain yu tok yu laikim. Vailens em i no pasin
bilong laikim.”