FIFTIN manmeri na pikinini i lusim laip bilong ol taim graun bruk i kamap long Sentral Provins
long Goilala Distrik.

Dispela ol lain i save mekim ol liklik maining wok long kisim mani.
Wanpela meri, Immaculate Javia husat I save promotim wok bilong aluviel maining i bin askim
memba bilong Goilala long givim skul tok long ol manmeri bilong mekim ol dispela maining wok.
Nogat wanpela bekim bilong askim bilong em i kamap.
Em tok em i laik olsem gavman bilong PNG i luksave long dispela sekta na ol manmeri husat i
save mekim ol liklik maining wok.
Dispela bikpela namba bilong ol manmeri i lusem laip mas mekim gavman i luksave long ol lain
na helpim ol long kisim skul long lukautim ol yet long taim nogut.
“Mi bin traim hat tru long helpim ol lain bilong mi tasol no gat gutpela bekim i bin kamap,”
wokman i tok.
Mis Jaiva i tok em bin askim tu gavana bilong Sentral long em i ken skulim ol manmeri bilong
Sentral long wokim ol dispela maining wok.
Em i singaut nau long gavman i mas sapotim ol liklik aluviel maina.

UPNG Jenelis Sumatin Samantha Solomon i raitim