MADANG BAGARAP!

i gat ol lida na ol wok manmeri o nogat? Dispela i bikpela askim bilong ol pipel bilong “beautiful” Madang na ol lain manmeri husat i stap long Madang. Olgeta lain manmeri i gat bel hevi long dispela kain sindaun nogut. Bikos long dispela Madang Nesenel Kot Jas, Jastis David Cannings i givim oda long Madang Provinsel Administreta, Madang Distrik Edministreta, Madang Taun Menesa, Madang Provinsiel Woks Menesa, Madang Provinsel Polis Komanda  na Beon Haus Kalabus Komanda long kamap long ai bilong em long 11 Jenueri na tokaut long husat em wok bilong em long stretim ol rot long Madang taun. Hevi bilong rot i bikpela pen long ol manmeri na bikpela “sua” long ai bilong ol visita husat i go long Madang.