KATOLIK Profesenel Sosaiti (CPS) PNG i tok aut pinis olsem ol i no laikim maining long wesan long Madang Provins. Ol i tok insait long wanpela stetmen olsem gavman i mas stopim dispela projek.

 CPS i wok bung wantaim  individual Community Rights Advocacy Forum (ICRAF) na Caritas PNG long helpim MAKATA long tok nogat long maining long wesan.

CPS PNG i tok, ”Dispela maining i gat nogut bilong em long envairomen bilong mipela.”  Ol i tok i nogat long dispela maining tasol ol i mas stopim long gutpela bilong envairomen na ol pipel husat i stap long ol dispela ples.

Taim dispela toktok bilong mainig long wesan i kamap planti manmeri i no bin amamas long dispela. Ol papagraun long not kos long Madang i tok strong tu long dispela maining i mas no ken kamap.

Planti tok kros i bin kamap tu wantaim ol lain bilong Karkum Conservation Area na ol lain husat I laik wokim dispela main, CPS PNG i tok. Karkum Conservation Area i banisim ol rif na nambis bilong ol long larim ol trausel i kam putim kiau.

Ol pipel i no tok orait long dispela maining long kamap long ples bilong ol na gavman I mas rispektim dispela laik bilong ol. Gavman i mas stopim dispela maining na no ken bagarapim solwara na envairomen, CPS PNG i tok.

UPNG Jenelis Sumatin Samantha Solomon i raitim