LONG 2020 i gat tripela bai ileksen i kamap.

Tupela i bin kamap pinis, Menyamya long Morobe Provins na Goroka long Isten Hailans Provins.

Bai ileksen we i ran yet long dispela taim em Bogenvil Rijonal sia.

Dispela em Papua Niugini Ilektoral Komisin i hop long pinisim long Februeri, 2021 taim em i kisim ol writ i go bek long Gavman Haus, Konedobdu long Pot Mosbi.

Bai ileksen bilong Menyamya i bin kamap long Epril, 2020 bihain long pastaim Memba, Thomas Pelika i dai long Oktoba, 2019.

Dispela i lukim Benjamin Philip, Pipels Nesenel Kongres pati kendidet, i win.

Bai ileksen bilong Goroka i bin kamap long Septemba, 2020 bihain long kamap bilong Kot-ov-Disputet Riten na disisen bilong Kot givim oda long bai ileksen i kamap.

Pastaim Memba bilong Goroka, Bire Kimisopa i bin kamapim Kot-ov-Disputet Riten long win bilong pastaim Henry Ame.

Papua Niugini Ilektoral Komisin i holim bai-ileksen na dispela i lukim nupela pes Aiye Tambua, Pangu Pati kendidet i win.

Bogenvil rijonal sia bai ileksen i kamap bihain long pastaim Rijonal Memba Joe Lera i risain na i bin resis long Atonomus Bogenvil Gavman (ABG) Presiden sia.

Inap long 6-pela kendidet i resis long dispela sia.

Namel long ol em wanpela meri kendidet. Dispela meri em Llane Munau, wanpela jenolis (ripota) na muvi produsa.

Em i tok em i laik sanap long rait bilong ol meri na lukim ol meri na ol yangpela i gat gutpela sindaun.

Em bai salens wantaim ol man na i bilip em inap long senisim tingting bilong manmeri long votim em.

Llane i bung wantaim ol arapela lain manmeri na mekim ol muvi bilong ol hevi i pas long sut tok bilong soseri (sanguma), “Sorcery Accusation Related Violence” (SARV) na narapela long Ambai na Aliko.

Em i hop olsem ol manmeri bai gat gutpela tingting na makim meri long dispela taim.