Long taim bilong COVID-19 lokdaun i bin kamap, planti jenda bes vailens (GBV) i bin kamap insait long haus. Wanpela yangpela meri, Jenelyn Kenedy i bin lusim laip bikos long GBV long dispela taim. Man bilong Jenelyn Kenedy Bhosip Kaiwi em i saspek long dai bilong Jenelyn Kenedy.

Em i kisim sas bilong kilim man o pikinini wantaim tingting bilong kilim ol olgeta na kilim manmeri o pikinini na i no pret o kea long ol, aninit long seksen 229 (1) bilong PNG Kriminol Kod.

Wanpela program Man Up i bin kamap long helpim ol man no ken bagarapim  ol meri. Dispela program i bin kamap bihain long planti meri i bungim birua long han bilong ol man.

 Boroko Famili na Seksual Vailens Yunit i arestim na sasim  Liutenent Murray Oa bilong PNG Difens Fos wantaim wanpela kaun bilong kamapim bikpela bagarap long bodi aninit long Seksen 319 bilong PNG Kriminol Kod Ekt. Oa i bin paitim meri bilong en nogut tru namel long taim bilong COVID-19.

Praim Minista James Marape i tokim Polis Depatmen long sanapim wan wan opis bilong Jenda Beis Vailens (GBV) na Famili na Seksual Vailens (FSV) long olgeta polis stesin long kantri na kamapim ol rot bilong stretim ol dispela hevi.

Hevi bilong Soseri i stap yet. Long Milen Be Provins wanpela meri i lusim laip bilong en tai mol man i saspek long em mekim soseri.

Long Mendi Katolik Sios i go pas long de bilong luksave long hevi bilong soseri. Daiosis i holim wanpela protes mas egensim ol pasin nogut egensim toktok bilong sanguma o Soseri Akusesen Vailens (SAV).

Rebecca Negere i raitim