OK Tedi Maining Limited (OTML) i kisim 40 nupela wokman bilong 2021 trening program bilong em.

Long disela 16 bai wok trening long tupela yia na ol narapela i bai wok olsem 4-pela yia aninit long ol arapela wokman.Menesing Dairekta na bosman bilong OTML Musje Werror i tok, “Ok Tedi trening program i save helpim long ol nupela greduet long kisim trening na i save long wok long bihain taim.

“Hap bilong trenim ol nupela wok man em i gat olgeta samting bilong helpim i stap.”

Kamapim gutpela wokman em i wanpela bilong ol tripela samting OTML i save mekim, Werror i tok.

Em i tokim ol nupela wokman long wok gut olsem em i wanpela sans tasol bilong ol.

Menesa Werror i kamap wokman bilong OTML moa long 20 yia i go pinis.

Em i wanpela sumatin bilong Yunivesti bilong Papua Niugini. Nau em i Menesa bilong OTML na i tok amamas long ol nupela wokman i joinim OTML.

Wanpela sumatin bilong Yunivesti bilong Papua Niugini i tok stori bilong Menesa Werror i wanpela gutpela stori bilong helpim ol long wok hat na kamap olsem em.

Taim dispela program bilong kisim ol nupela greduet i stat, OTML i bin trenim 1755 wok manmeri long ol wan wan skul ol i kisim long maining.

OTML i save gat ples bilong ol papagraun long kisim trening tu.

Tupela menesa long OTML i tok ol i amams long helpim na trening bilong ol nupela wokman na ol i mas wok hat long kamap gutpela wokman.

Samantha Solomon  - UPNG Journalism Student