Ricky Poki i wanpela pikinini husat i bilong Mauntaen Hagen antap long Westen Hailans Provins. Em i bin driman tru long kamap wanpela man bilong falim balus taim em i liklik mangi yet.

Ricky em i exeketiv asistan bilong Mission Aviation Fellowship (MAF) long  Maunt Hagen. Ricky i tok olsem em i stap long dispela bikpela posisen nau bekos long God. Em i tok olsem, “papa na mama bilong  em tupela  i lainim em gut long tok bilong God na dispela tasol i helpim em long stap long dispela bikpela posisen.”

Papa bilong em i wanpela dokta na mama bilong em i save stap long haus na lukautim ol pikinini bilong em.  Tupela i stronpela lotu man na meri tru. Taim ol pikinini i kamap tupela i lainim ol gut long tok bilong Papa God.

Ricky em i gat tripela susa na em i namba wan pikinini long famili bilong em. Bipo taim em liklik mangi,  papa bilong em i save karim wanpela sutkes i gat logo o piksa bilong MAF i stap long en. Olgeta taim Ricky i save askim papa bilong em long dispela loko.

Driman bilong em i kamap tru long 2018 taim em i pinisim skul bilong flaim balus long New Zealand. Ricky i bin kamap wok man bilong MAF long yia 2018 kam inap nau. Em bin stat olsem wanpela man bilong flaim balus. Ricky i tok  olsem,”mi stap olsem nau em i no long mi yet, God tasol i plenim olgeta samting.”

Ricky i tok moa olsem em i amamas  tru long wok wantaim MAF bikos em i helpim ol lain long kantri bilong em yet. MAF i save givim sevis long ol mama husat i no inap long kam lo hau sik long taim bilong karim pikinini long ol ples we i no gat rot bilong kar long em.

Na tu MAF i save  karim kaikai na ol marasin na givim long ol lain husat i no gat ol dispela samting. Long dispela Ricky i tok olsem em i gat bikpela amamas long wok wantaim dispel misin sevis.

Bikpela driman bilong Ricky em long flaim balus tasol em i save God i gat narapela plen long em.

Samantha Solomon i raitim