TAIM Gavman bilong Papua Niugini i bin putim program long basset bilong rot infrastraksa divelopmen, mipela i no bin putim stret mani bilong siti rot divelopmen.

Mipela i bin putim laip ekspenditsa long Plening Dipatmen olsem program bilong siti rot bai stat baset, “Praim Minista bilong PNG James Marape i bin tokim pablik long taim bilong wanpela graun bruk seremoni long Geheru.”

BSP i bin sapotim baset wantaim K500 milien we K240 milien em bilong siti rot projek; narapela K100 em bilong Lae siti rot i go long Nazap ples balus, narapela K100 milien em bilong Kaupena, Mendi, Tari na Komol rot na narapela K100 milien em bilong Kutubu Oil fil.Dispela em gavman dairek baset we i no go tasol BSP i bin kisim long helpim dispela ol rot divelopmen projek.

Praim Minista James Marape i tok,” Taim mipela i wok long 9-mile rot i go olsem 14-mile dispela rot bai i go het long 17-mail na go olgeta long Sentral Provins long bungim ol Turis husat i laik go lukim Kokoda Trek.”

Marape i tok olgeta kontrakta i stap pinis long wan wan bus ples bilong dispela kantri na redi long statim kontrakta wok bilong rot bikos dispela i ken bungim kantri wantaim rot, telepon na pawa.

Jacklyn Kimala i raitim