Papua Niugini i no gat kepesiti long kisim na yusim ol Covid-19 veksin o banis sut bilong stopim pipel long kisim dispela vairus. Ol dispela marasin i nidim kol ples tru we mak bilong temomita mas stap daunbilo long 70 digri selsius.

Menesa bilong nesenel kodineting senta bilong COVID-19 pandemik, Dr Esorom Daoni i tok, PNG i wok long lukluk long ol veksin i wok long kam aut nau, na bai ol i kisim veksin we i gutpela long kantri i yusim.

Dr Daoni i tok, PNG bai kisim wanem kain COVID-19 veksin em World Health Organisation i givim tok orait long en.

Na em i tok tu olsem em i mas bihainim ol rul bilong nupela marasin we gavman i gat pinis, na ol bai lukluk tu long sait bilong "indemnity", o kompensesen.