OL polis long Nesenel Kepital Distrik i sasim Nelson Ray bihain long indai bilong wanpela yangpela meri long Gabi viles, Hanuabada las wik. Dispela meri, Gabe Eunice Taumaku i gat 24 krismas na ol i bin painim bodi bilong arere long wara.

Ol polis i bin holim Ray long Mande 14 Desemba long Sogeri bihain long ol lain bilong ples i bin lukim  stori long Crime Alert pes long sosel midia. Ol polis i holim Ray na kisim em i go long Boroko polis stesin we ol i askim em long dispela birua. Ol polis i wok long mekim moa wok painim yet bipo long Ray i kamap long Waigani komital kot.

Polis ripot i tok bai ol dokta i wokim post motem long bodi bilong Eunice Taumaku na givim ripot tu.

Long wankaim taim, ol Motu famili bilong dispela meri i singaut nau long ol lida bilong Motu-Koita na Memba bilong Mosi Not Wes long rausim ol pipel bilong ol narapela ples husat i sindaun long dispela ples long Hanuabada. I gat ol pipel bilong Lese na Baimuru long Galp Provins, ol Hailans na ol pipel bilong Mekeo husat i stap long Gabi na ol i kolim dispela kona Hagwa na Kaimare.

Martina Takaneng, UPNG Journalism Studen