EUROPEAN Union i fandim Vanila Kaltivesen na Prosesing Trening wantaim helpim bilong STREIT PNG Program insait long Is Sepik provins long pulim intres bilong ol meri na ol yut husat i no gat sans long dispela kain ol program.

Ol 429 fama i bin stap long tripela trening wantaim sampela eksampel ol soim. Ol i mekim dispela trening long Wewak na Ambunti-Drekikia Distrik na 220 em ol meri na ol yut. Dispela i makim 51 pesen bilong olgeta olain husat i bin kamap.

Namba wan skul aninit long STREIT em long lainim ol fama long yusim ol rait tuls na ikwipmen long prosesim gutpela bin long kisim mani na helpim stap bilong ol.

Dispela trening i wok klostu wantaim Provinsal Dipatmen bilong Egrikalsa na Laipstok (DAL). STREIT na patna bai mekim planti moa trening long 2021.

Martina Takaneng i raitim