Hettok bilong dispela yia (2020) em ‘Bung wantaim egens korapsen’.

Long Papua Niugini long dispela yia gavman i bin mekim kamap lo bilong Idependent Commission Against Corruption (ICAC). Pastaim long dispela em i bin pasin tu Wisil Blowas Ekt.

United Nations Development Program (UNDP) i tok aninit long bikpela hettok bilong dispela yia em i sans bilong ol pipel long lukluk bek na mekim ol komitmen long banisim na pait egensim korapsen.

COVID-19 pandemik i surukim bek ol wok kamap bilong divelopmen na apim mak bilong tarangu i go antap moa yet. Em i kamapim tu skel we i sakim sampela i go daun moa yet.

UNDP i tok kain ol hevi olsem COVID-19 pandemik i kamapim planti sans bilong korapsen long kamap na gro i go bikpela. Dispela i save stap ples klia taim ol pipel i no bihainim gut ol oda bilong COVID-19 na ol i painim ol rot long apim prais bilong ol PPE na ventileta, kamapim ol giaman marasin we i ken putim ol sikmanmeri na pikinini long hevi na sampela paul pasin olsem.

Nau moa long ol arapela taim korapsen i sanap long rot bilong sastenebel divelopmen.  Planti mani i save go aut nating long ol braib na planti moa i lus long korapsen.

UNDP i wok bung wantaim ol kantri long helpim long daunim hevi bilong korapsen.

Dispela year bilong kirap gen wantaim integriti o trupela pasin i tok strong long ol kantri i mas mekim wok bilong anti-korapsen i stap namba wan insait long olgeta hap bilong sastenebel divelopmen wok.