NOMINESEN bilong ol kendidet husat i laik resis long Bogenvil Provinsel sia i op tude long 4 klok apinun
na bai i pas long Fonde 10 Disemba.

Long dispela taim ol i givim aut writ long tokaut olsem dispela bai-ileksen i op.
Dispela sia i bin stap nating taim bipo memba Joe Lera i risain na lusim long mun Jun dispela yia yet na i
resis long sia bilong presiden long mun Ogas.
Nominesen fi em K1,000 long wan wan kendidet.
Poling bai i stat long Sarere 16 Janueri 2021 na pinis long Fraide 29 Janueri 2021. Kaunting bai i stat long
30 Janueri 2021 na ol writ i kam bek na ol i ilektorel opisa i tokaut long husat i win long dispela ileksen.
PNG ileketorel komisin i makim ol de olsem; 7-pela de (wan wik) bilong nominesen, 44 de (em 6-pela
wik) bilong kempein, 14 de (em 2-pela wik) bilong poling o vot na 21 de (em 3-pela wik) bilong kaunting.