TRANSPARENCY International PNG (TIPNG) i amamas long ol pipel bilong Papua Niugini
long tok orait bilong kamap bilong Ogenik Lo long Independen Komisen Egens Korapsen
(ICAC.

Peter Aitsi, Siaman bilong TIPNG i tok em i kisim longpela taim long lukim kamap bilong
dispela lo na i welkam long em.
Em i mekim dispela tok long taim 92-0 i bin vot long tok orait long kamap bilong ICAC lo
long palamen kibung long 12 Novemba.
“Kempen egensim korapsen i mas namba wan wok long sosaiti bilong yumi,” em i tok.
“Taim no gat wok bilong sekim sapos pasin nogut o korapsen i no stap, dispela inap
bagarapim tru sindaun bilong ol manmeri na sosaiti.
“TIPNG i amamas na tok welkam long dispela lo olsem wantaim em, yumi inap lukim senis
long sosaiti.
“Dispela lo i ken strongim ol pipel bilong Papua Niugini long pait egensim korapsen na was
long sindaun bilong ol manmeri, soaiti na kantri olgeta.”
Aitsi i tok i gat tripela bikpela wok bilong ICAC.
Dispela tripela wok em:
 WAS na daunim kamap bilong pasin korapsen, kamapim ol wok painimaut, tokaut
long ol sistem bilong mekim wok painimaut, ol rot bilong mekim wok painimaut, wei
bilong mekim wok painimaut na ol polisi;
 MEKIM wok painimaut na givim mekimsave long ol lain husat i mekim pasin
korapsen; na
 ARESTIM ol manmeri husat i mekim wok painimaut.
“Trupela salens em long lukim olsem ol opisa husat i holim opis long ICAC i wok i bihainim
spirit bilong kamap bilong ICAC lo,” Aitsi i tok.
“I mas gat senis long sindaun bilong manmeri wantaim kamap bilong ICAC lo.”
Aitsi i tok i mas gat luksave olsem wok bilong ICAC i no kalapim wok bilong ol opis husat is
tap pinis olsem:
 WOK bilong ICAC em bilong mekim wok painimaut long ol pablik opisa o husat
manmeri em sut toktok i go long ol long pasin korapsen long taim wok bilong
Ombudsmen Komisen em long mekim wok painimaut long ol lida. Ol lida i stap
aninit long Lidasip Kod;
 ICAC i gat wankain wok na pawa olsem Polis long mekim ares. Dispela em long
helpim long lukim no gat wanpela manmeri o samting i pulim bek o traim long
daunim painimaut wok long taim polis i sot long ol opisa o long risos; na
 WANTAIM tok orait pas long Pablik Prosekyuta, ICAC i ken givim mekimsave long
ol lain husat i pas long pasin korapsen.
Mista Aitsi i tok kamap bilong OLICAC bai strongim gutpela nem bilong Papua Niugini long
ovasis na i soim gutpela mak bilong ol toktok bilong gavanens.
Em it ok ICAC bai strongim wok bilong stebiliti long kantri na strongim tingting bilong ol
pablik sevis na ol lain husat i lain mekim wok bisnis long kantri.
Em i tok ICAC bai helpim long strongim laip na sindaun bilong ol manmeri we i gutpela na
long wankain taim i strongim ol sitisen long pait egensim pasin korapsen.