MINJ distrik kot i bin sasim bipo edministreta bilong Not Wagi distrik Nalan Kawa long
kriminol ofens long Novemba 16.

Sinia provinsal mejistret Josephine Kilage i sasim Mista Kawa long brukim seksen 97 (1) (a)
bilong Kriminol Kod Ekt we em i bin giaman na wok olsem distrik edministreta long 2015 i kam
inap long 2020.
Distrik edministreta tru bilong Not Wagi em John Kumie, we Dipatment ov Pesenel Menensmen
na provinsal gavman i bin makim long Julai 6, 2015.
Kot i painim aut tu olsem Mista Kawa i bin ritaia pinis long 2015 olsem pablik seven taim em i
bungim pinis ritaimen krismas bilong em.
Tasol Mista Kawa i bin brukim lo na tu Not Wagi memba Dokta Fabian Pok tu i larim em I
holim posisen yet na i karim aut fainensel pawa bilong sainim ol sek.
Mista Kawa i wokim K1000 bail na bai kamap gen long Maunt Hagen nesenel kot long namba
wan de bilong harim kot long Disemba 11.

Hoffman Gulgarye i raitim