OPIS bilong Rejistra bilong ol Politikal Pati na Kendidet, i laik lukim olsem dispela nupela ogenik lo bilong ol politikal pati na kendidet, i mas lukim ol politkal pati i givim luksave long ol meri kendidet long ol ileksen.

I kam inap nau, gavman i bin traim long kamapim sampela nupela lo na rot long lukim olsem, i mas gat ol meri i stap insait long Palamen we ol i ken gat sans long mekim ol disisen long dispela level bilong gavman sistem.

Tasol long taim bilong Independens long 1975 i kam inap long nau, insait long 111  sia bilong Palamen, i bin gat 7-pela meri tasol husat i bin winim sia bilong Palamen.

Rejistra bilong Opis bilong ol Politikal Pati na Kendidet, Dr Alphonse Gelu, i tok long nupela OLLIPAC o Ogenik Lo bilong Integriti bilong ol Politikal Pati na Kendidet, we inau stap long Palamen, ol politikal pati i mas endosim 20% bilong ol meri, taim ol i laik kirapim wanpela pati long sanap long ileksen.

Namel long dispela, Dr Gelu i tok ol pati i mas sapotim ol meri long taim ol i endosim ol, olsem wei ol i save sapotim ol man kendidet. 

Dr Gelu na opis bilong en i kirapim wanpela woksop long Milen Be Provins long mekim awenes wok long dispela, na tu long tok klia olsem, i no gat wanpla meri nau stap long Palamen long makim maus bilong ol meri.

Dispela opis i painim aut tu taim ol i kirapim dispela woksop long Alotau olsem, ol politikal pati i no wok long sapotim gut ol meri kendidet husat i laik sanap long ileksen. Ol i tok dispela em i wanpela bikpela salens bilong ol meri long Alotau.

Ol tok long sait bilong sapot, ol pati i no save kempen long ol meri insait long ol dispela politikal pati.

Dr Gelu na ol opisa bilong en i bin go kamap long 3-pela ples long Alotau long mekim wok awenes na ol i painim olsem planti ol manmeri, i no save long olgeta politikal pati bilong PNG, ol polisi bilong ol na ol Memba bilong ol. Em i tok dispela em i wanpela samting we opis bilong em i mas lukluk long en.

Long dispela ol woksop, Dr Gelu na tim bilong en i wok wantaim ol meri husat i gat strongpela tingting long sanap long nesenel ileksen long 2022 na ol bai kirapim sampela wok bilong stiaim ol dispela ol meri long 2021.

Angela Nelson, i makim ol meri, insait long Provinsal Asembli bilong Milen Be Provins na em i bin amamas tru long dispela ol woksop we Dr Gelu na tim bilong en i karim i go long Alotau.

Em i tok moa olsem i mas gat moa sapot i go long ol meri bilong provins husat ilaik traim sanap long ileksen.

Em tok maski em i stap long provinsal level long traim na kirapim sampela program na awenes long ol meri long ol ples, em i hat long mekim dispela ol disisen long sait bilong helpim mani na mani plen.

Long dispela as, Angela i tok planti meri nau i laik traim na strongim sait bilong ol long go insait long Palamen long lukim olsem ol i mas kisim dispela luksave ol i nidim long helpim ol pipel long ples.

Em tok planti meri long Milen Be Provins i soim bikpela laik long sanap long nesenel ileksen long