LINK PNG Ltd, han bilong Air Niugini, i tokaut olsem em i kirapim bek sevis bilong em i go long Kieta (AROB) na Tabubil long Westen Provins.

Ran bilong balus i go long Kieta i stat pinis long 14 Novemba na long Sarere long wan wan wik. Balus bai go long Buka, na bihain i go long Kieta na i go bek long Pot Mosbi.

Long wankain taim, Link PNG i statim ran bilong em i go long Tabubil long 20, Novemba na bai mekim tupela ran insait long wanpela wik, long Tunde na Fonde.

Balus i tambu long karim pasindia i go long Tabubil bikos long lo na oda bilong COVID-19, tasol, pasindia i ken trevol i go ausait long Tabubil.

Dispela balus em Dash-8, Combi na i ken karim 20 pasindia na planti kago.

Sevis bilong Link PNG bai helpim gavman long karimaut ol projek bilong helt, edukesen na infrastraksa ikwipmen bilong bringim sevis long ol rurel komyuniti.

Long wankain taim, Air Niugini Fokker 100 balus tu i surukim ran bilong em i go long Buka long 4-pela de long wanpela wik. Em long Mande, Tunde, Fonde na Fraide wantaim Bisnis na Ikonomi sia.