OL polis i holim wanpela saspek long Gerehu long Mande. Ol i bilip olsem em i stilim mobail fon bilong wanpela meri.

Dispela saspek i bin sanap long bas stop i stap klostu long Pot Mosbi Nesenel Hai Skul long Gerehu na i giaman olsem em i wetim bas. Long dispela taim wanpela meri i bin i kam sanap na wetim bas long dispela hap na saspek i bin pulim mobail fon bilong dispela meri na ranowe.

Tasol long dispela taim ol polis Fox yunit 205 i bin raun long dispela hap na ol pablik i toksave long ol na helpim ol long ranim dispela saspek na holim em.

Polis i arestim saspek na kisim mobail fon long han bilong en na i givim i go bek long mama bilong fon.