UNITED STATES of America (USA) Gavman i bin givim PGK 200 milien (US $57 milien) invesmen long PNG Elektrifikesen Patnasip Fanding aninit long US Embesi long Nesenel Divelopmen plen.

Embeseda bilong USA long Papua Niugini, Solomon Island na Vanuatu Erin McKee i bin tokaut long dispela US $57 milien long Mande 2 Novemba 2020, taim Minista bilong Stet Enterprises Sasindran Muthuvel na Minista bilong Energy William Onglo i bin kamap long lukim dispela tok promis.

Dispela tok promis bilong U.S long givim PGK 200 milien (US $57 milien) long PNG Elektrifikesen i bin kamap long 2018 APEC Lida Samit taim ol lida bilong Papua Niugini, Australia, Japan, New Zealand na USA i bin bung wantaim long sapotim dispela gol bilong konektim 70 pesen bilong Papua Niugini populesen long ilektrisiti inap 2030.

Embeseda Erin McKee i bin amamas long tokaut long dispela US $75 milien invesmen bilong USA bilong Amerika long U.S Embesi bilong Intenesenel Divelopmen.

Dispela Patnasip i soim longpela taim rilesensip bilong USAID, U.S Gavman i wok wantaim PNG Gavman long ol Praivet sekta na sivil sosaieti ogenaisesen long bringim dispela kantri i go moa long narapela mak.

“Mipela i amamas long dispela lek mak fowat, we yumi bai sanap wantaim long draivim inklusiv divelopmen na em pawamen long ol komyuniti long PNG.

Jacklyn Kimala i raitim