RH Haipamaket em i namba wan supamaket long PNG long joinim BSP na lonsim onlain peimen.

Nau ol kastoma i ken yusim dispela websait www.rhtradingpng.com na baim samting onlain.

  RH Haipamaket i save salim ol gutpela na kwaliti samting long Pot Mosbi na Lae, na i sanap strong long dispela het tok “where your kina buys more” o “we kina bilong yu i ken baim moa samting”.

Jenerel Menesa bilong RH Haipamaket Ltd, Cheng Chooi Ang i tok RH Haipamaket i amamas long lonsim onlain groseri soping bilong helpim na mekim isi long ol kastoma baim samting.

“Wantaim dispela patnasip wantaim BSP, mipela i ken givim ol kastoma isi ekses long baim samting. Kastoma i ken go long websait na mekim akaun, baim samting na go kisim tasol o ol i ken askim long rot bilong deliveri,” Mista Ang i tok.

Onlain peimen em i isi, seif na i save hariap. Na tu i mekim bisnis  na mani i ran gut.

BSP i givim bikpela sapot long ol bisnis wantaim onlain peimen pletfom. Dispela bai helpim ol bisnis long gro na kamap gut.

BSP nau i gat 14 bisinis i rejista long e-komes pletfom bilong em. Nau RH Haipamaket i rejista pinis na bai go het yet long helpim ol narapela bisinis husat i laik rejista tu.

Ringim BSP long 3201212 o 70301212 o email This email address is being protected from spambots. You need JavaScript enabled to view it. sapos yu laik rejistaim bisnis bilong yu.

Carolyne Ketsimur i raitim