United States (US) gavman long dispela wik i givim bek 133 kalsarel atifek bilong Papua Niugini long Nesenel Misium long Pot Mosbi.

US Gavman i bin luksave na painim pinis dispela 133 kalseral atifekt we wanpela US man i bin kisim i go na yusim long praivet Misium bilong em long USA.

Maski planti yia i go pinis tasol dispela ol kalseral atifeks i mekim USA Gavman FBI long wok painimaut moa na salim i kam bek long PNG, bikos em ol sain bilong pasin, kastom na kalsa bilong PNG.

“Mi amamas long givim bek dispela ol kalseral atifeks long ol pipel bilong PNG,” Embeseda bilong US Erin McKee i tok.

“PNG i gat kain kain tok ples, pasin, kastom na kalsa olsem na i no gutpela long ol pipel bilong narapela kantri i kam na kisim i go na yusim.”

“Mipela i tok tenkyu long gavman bilong US long givim bek ol dispela kalseral samting long PNG,” Dairekta bilong PNG Nesenel Museum na Gallery Dokta Andrew Moutu i tok.

Ol atifekt i bin kamap long PNG long Septemba 16 na US Embesi i bin kisim go putim insait long Nesenel Misium.

Jacklyn Kimala i raitim