LAS wik gavman i saspendim Ilektorel Komisina Patilias Gamato na putim deputi ilektorel komisina Simon Sinai olsem ekting komisina.

Praim Minista James Marape i saspendim Mista Gamato long stap arere pastaim na gavman i ken karimaut wok painimaut long ol alegesen i stap egensim Mista Gamato.

Mista Marape i tok pastaim long em i mekim disisen em i bin kisim edvais bilong Stet Solisita.

Mista Gamato bai i stap long saspensen inap 6-pela mun stat long las wik Tunde.

Dispela disisen i kamap long taim tupelo ilektoret i stap namel long ileksen bilong ol na nesenel jenerel ileksen tu i kam klostu.