FRIEDA Gold Mine long Is Sepik Provins bai i no inap go het yet aninit long ol plen bilong en i stap nau
insait long Environment Impact Statement (EIS) bilong en.

Is Sepik Provinsal Gavman i mekim dispela disisen bihain long em i sindaun las wik na paitim toktok i go i
kam wantaim ol lida bilong en. Insait long bung ol LLG Presiden i stap na ol i go pas long givim toktok.
Gavana Bird i tok maski ol presiden i no kisim mak bilong bikpela skul tasol ol i lida bilong ol ples bilong
ol. Na bihainim pasin bilong ol lida bilong Sepik i go pas pinis dispela ol lida tu i gat nem na namba.
Gavana Allan Bird i tok gavman bilong em i bin makim wanpela tim na givim wok long ol long lukluk na
painim wanem kain ol hevi i ken kamap sapos dispela Frieda Gold Mine i go het long wok.
“Dispela tim i painim olsem bikpela hevi em i stap long pes 212 bilong EIS we i toktok long sanapim
wanpela dem bilong holim ol pipia na marasin i kam long wok bilong main. Bikpela birua tru i ken kamap
long dispela dem long wanem Frieda i laik yusim long tupela wok,” em I tok.
Namba wan wok bilong dem em bilong holim ol pipia na namba tu em bai i wok olsem wanpela haidro
pawa dem.
I gat planti prêt i stap sapos wanpela dem i sanap. Sampela pren bilong ol pipel long Is Sepik i prêt long
bikpela bagarap i ken kamap long dispela wara we i ris tru long kalsa na wail laip.
Gavana Bird i tok ol i harim ol krai bilong ol pipel na wane mol prêt ol i gat sapos dispela bikpela projek i
kirap.
Em i tok tu olsem gavman bilong em i bihainim wanpela proses we ol i harim long ol pipel na ol i harim
tu long ol savemanmeri.
Em i tok em i fesilitetim proses na ol pipel i ken toktok na kamap wantaim disisen. Dispela em i namba
wan taim wanpela provinsal gavman i sindaun na paitim toktok i go i kam na kamap wantaim wanpela
disisen.