LONG mun Me 26 manmeri bilong Longokave long Sauten Hailens Provins na Dabaraba long Hela
Provins i bin hoilm wan wik bung long Melanesian Institute long Goroka.

Nem bilong bung ol kolim Grasruts Pisbilda Eksen Tim (GPAT).
Ol i bin holim bung long skelim wok bilong ol. Dispela bung i bin bihainim wanpela patisipetori proses
na em i kam ananit long Jenda na Yut Pis Inisietiv projek we UN Women i fandim.
As bilong dispel bungem bilong wokim redi ol Grasruts Pis Bildas Eksen Tim (GPAT) bilong dispela
tupela provins we kros pait pasin i stap bikpela long komyuniti bilong ol.
Planti ol manmeri i save ting olsem developmen i no save kamap long komyuniti olsem dispela
tupela bikos long pait koros na hevi. Tasol kros pait na hevi i save kamap bikos long no gat
developmen i kamap lo ol dispela ples.
Het tok bilong dispela wan wik bung em “Conflict-Tracing’ and ‘Community-Mending &Healing’
towards ‘Peace-Building. Long Tok Pisin em olsem ‘Sekim ol hap we hevi i kirap na i go olsem
wanem, luksave long hevi na stretim komyuniti long kamapim pis namel long ol pipel.
Insait long dispela namba bilong manmeri, sampela i ol mama, sampela i ol bikpela man na sampela i
ol yut I bin kam wantaim.
Long dispela wik, ol dispela GPAT memba i bungim infomesen ol i painim long komyuniti bilong ol
long wok painimaut.
Ol i luksave long as bilong kros pait i save kamap long komyuniti bilong ol, na ol i skelim kastom pasin
ol i kolim kalsarel odit na bungim wantaim dispela ol data we ol i painimaut.
Long las dei bilong bung bilong ol, ol i kamapim 5-pela bikpela ki toktok long Pis na jenda, pis na
yangpela jeneresen, pis na sosel inklusen, pis na kalsa na pis na divelopmen.
Bihain long dispela, ol i singim ol song, ektim drama na telimautim poem bilong helpim long maketim
dispela ol ki toktok long kamapim pis namel long dispela ol 5-pela eria.
Olgeta patisipen i tok olsem ol i kisim gutpela skul stret long dispela wik na amamas long go bek gen
long komyuniti bilong ol na serim dispela nupela save wantaim ol manmeri na yut.
Ol i luksave tu olsem bihain long pis i kamap, i mas i gat ol narapela ol etiviti i stap long mekim ol
manmeri bilong kamapim hevi i bisi na ol i no moa tingting long kirapim hevi.
Meri makim UN Women Jenda Program Analis James Neo i bin joinim dispela bung long tupela dei
bipo long bung i pinis.

Amanda Kundil i raitim