CONSTITUTIONAL na Lo Refom Commission (CLRC) Seketeri  Mange Matui  i tok orait long tingting bilong NEC long kamapim Ogenik Lo bilong disentrolaisesin.

Dokta Matui i tokaut long olsem Komisin i lukluk pinis long dispela na tok orait long dispela senis we bai kamap.

Em i tok amamas long Seketeri Dickson Guina na Minista bilong Inta-Gavman Relesen Pila Niningi  na Praim Minista James Marape wantaim gavman bilong em long luksave long impotens bilong dispela senis.

“Nau bai yumi senisim rot we yumi save bihainim long mekim bisnis na ranim gavman bilong yumi,” Dokta Matui  i tok.

Em i tok sapos amenmen bilong dispela lo i pas, ol provins bai wok hat na winim sampela proses bilong kisim atonomi.

“Ol provins bai kisim semi-atonomi,” Mista Matui i tok.

Dokta Matui i tok Seksen 187 bilong Konstitusen bai senis long kamapim dispela ogenik Lo.

Carolyne Ketsimur i raitim