POLING bilong 2020 ABG Jenerel Ileksen bai i go het yet stat long tude 12 Ogas.

Ol pipel bilong Bogenvil husat i stap ausait long Bogenvil i ken vot yet.

Poling bai i kamap long Rabaul long Is Nu Briten, Kimbe long Wes Nu Briten, Lae long Morobe Provins, Madang long Madang Provins na Goroka long Isten Hailans Provins na Nesenel Kapitel Distrik.

Opis bilong Bogenvil Ilektorel Komisin i luksave olsem dispela ol provins i gat moa pipel bilong Bogenvil i stap long en.

Ol i luksave tu long ol oda bilong COVID-19 na bai i bihainim dispela ol oda long taim bilong poling na kaunting.

Paul Wagum i raitim