STAT long asde Trinde olgeta pipel long Pot Mosbi i mas putim mask long pes na karamapim gut nus, maus na wisket taim ol i raun long ol pablik ples.

Kontrola David Manning i tok dispela em i lo nau na ol kampani o institusen husat i no bihainim I brukim dispela lo aninit long Nesenel Pandemik Ekt 2020.

Wok bilong pes mask em bilong abrusim ol binatang bilong COVID-19 we i ken kalap long spet na maus wara bilong ol arapela i kam long yu taim ol i kus o toktok.

Oda namba 10 i tok olgeta pipel i raun long pablik transpot, o long stua o maket i mas putim pes mask.

Dr Paison Dakulala i tok gutpela pasin em long harim tok na bihainim na bai yumi helpim long seivim yumi olgeta.

Ritim moa long oda namba 10 long pes 25.

Long dispela taim tu toktok bilong wasim han, kus i go insait long skru bilong han, stap longwe long narapela na stap long haus taim yu pilim sik.