OL Yut long Wewak i bin joinim han long selebretim 2020 Wol Envairomen De long Fraide Jun  5, we ol i mekim klinaton stat long Winjammer Hotel na go pinis long Mobil, Meni nambis.

Jonathan Poema i raitim

Dispela yia Wol Envaironment De astingting bilong United Nations long Selebretim Biodivesiti.

 Long makim dispela de Is Sepik Saikling Asosiesen  na Wod 7 yut long Wewak Taun,  bin to pas long dispela klinaton program wantaim  helpim bilong Food and Agriculture (FAO) ejensi bilong United Nation na Support to Rural Entrepreneurship  Investment and Trade (STREIT PNG) hia long Wewak.

Progrem Asistan Kodineta Pavel Burian i tok, biodivesiti em i tok long lukautim gut ol solwara, rif, mangro na ol abus long solwara we bikpela bagarap i kamap pinis long ol arapela hap long wol.

Em tok planti taim mipla i no luksave na bagarapim nambis bilong mipela long pasin bilong tromoi pipia nabaut, na ol i save go bagarapim solwara.

Mista Burian i tok, lukautim gut nambis, solwara na ol abus bilong yumi na bai mipela i kamapim gutpela helt na sindaun.

EU STREIT PNG Kodineta i tok, ol gutpela kaikai i stap long envairomen bilong mipela yet hia long Papua Niugini.

Em i tok moa olsem pis i gat planti gutpela na i stap insait long  tripela veliu sn wantaim kokao na vanilla we EU STREIT PNG  Progrem i lukluk long en.

Long wankain taim, ol sapot opisa bilong Cocoa Board na Research Extension (CBREDS) Nesenel Fiseri Atoriti (NFA) Provinsal opis bilong NAQIA, Department of Agriculture and Livestock (DAL) na Is Sepik Provinsal Edministresen i kam sapotim ol yut long mekim dispela klinaton i kamap gut.

FAO i stap long  mekim wok bilong kakao, vanila na fiseris long Sepik Rijon.