KAVIENG District Development Authority (KDDA) bai sapotim Niu Henova hai skul long long Kavieng. Dispela skul i stap longwe tru long Taskul patrol post we em i ken kisim sapot long em. Long wankain taim tu em i stap long eria we i no gat wara na pawa.

Memba bilong Kavieng, Ian Ling-Stuckey i tok KDDA bai lukluk long sapotim skul long kisim ol besik sevis. Em i tok planti taim ol politisen i save yusim ol skul olsem Namatanai  Sekendri Skul na Tinkoris SHC long mekim ol politikal wok bilong ol tasol i no tingting long sapotim ol skul wantaim ol infrastraksa skul i nidim. Em i tok moa olsem ol pipel long Nu Ailan i kisim taim bikos ol komyuniti i stap long ol eria we i hat long gat ekses long ol sevis. “Nu Henova Hai Skul na ol komyuniti i save kisim taim bikos ol i no save  kisim sevis. Skul i stap long rong eria we i hat long eksesim ol besik sevis.” Mista LingStuckey i tok. Long dispela astingting tasol na KDDA bai helpim skul maski ol salens bilong lokesen i stap.