EMBESI bilong Indonesia long Papua Niugini em i namba wan grup namel long ol diplometik kop long
kisim Sinopharm veksin long Pot Mosbi Jeneral Haus Sik (POMGEN) long Tunde dispela wik.

Embeseda
Adrianna Supandy i tok amamas long PNG Gavman na Pot Mosbi Jeneral Haus Sik long mekim ol veksin i
stap redi long olgeta pipel. Makim Indonesia Embesi, mi laik tok tenkyu tru long Sif Ekseketiv Opisa (CEO)
Dokta Paki Molumi bilong POMGEN Haus Sik na tu long gavman bilong PNG long givim veksin
long ol embesi wok manmeri, Embeseda Supandy I tok. Embeseda Supandy na meri bilong em Ella
Adriana na ol wok manmeri na ol famili bilong ol i go long POMGEN long Tunde na kisim veksin. Medam
Ella Supandy em i no nupela long POMGEN, olsem em memba bilong grup bilong ol Het bilong Misin na
Pren bilong ol, husat i save sapotim POMGEN. Embeseda Supandy i tok em i bikpela ona na ol i traim
long kamapim gutpela koperesen namel long Indonesia Embesi na POMGEN.