NATIONAL Airport Corporation (NAC) i tokaut olsem Madang ples balus i op nau na balus i ken mekim ol ran bilong en i go i kam bihain long em i bin pas long taim ol i mekim mentenens long en.

Ekting Menesing Dairekta na Sif Ekseketiv Opisa bilong NAC, Rex

Kiponge i bin mekim dispela toksave las wik. Em i tok Sivil Eviesen i bin mekim lukluk raun long ples balus na i givim tok orait long opim 930 mita hap bilong ranwe we i pinis. Em i tok moa olsem narapela hap bilong ranwe bai kisim 4-pela wik long pinisim.

NAC i tok tenkyu long pablik na ol bisnis haus long Madang long bel isi na andastending bilong ol long dispela taim we ples balus i bin pas. Ples balus em i impoten hap we hap we i mas stret na seif oltaim. Balus i mas ran long seif envairomen bikos laip bilong ol pasindia i dipen long en. Long dispela taim, PNG Air i statim ran bilong em pinis i go long Madang ples balus, tasol Dash 8-1-100 tasol i wok long operet long dispela taim. Inap ful ples balus i pinis nau, bai ATR 72-600 balus bai i statim ran bilong en. Wok bilong pinisim ples balus bai pinis long Oktoba 31, 2021.