INDEPENDENT Consumer Competition Commission (ICCC) i tok nogat long Kina Sekyuriti Limited (KSL) i bai gat share long Westpac Bank long Papua Niugini.

Pastaim long em i mekim disisen ICCC i mekim kisim tingitng bilong pablik na ol narapela bisnis na i tok olsem KSL bai no inap kisim Westpac Bank. Komisina na Sif Exseketiv Opisa bilong ICCC Paulus Ain i tok, “Mipela kisim dispela askim long Kina Sekyuriti na ol tingting bilong ol narapela narapela bisnis na ogenaisesen, mipela i tok nogat dispela askim.” “ICCC i no tok orait long dispela askim, na tu i nogat planti bisnis olsem benk i stap long kantri. ICCC i ting olsem ol pipel bai no inap kisim planti benefit long dispela toktok ol KSL i mekim,” Komisina Ain i tok. Kominisa Ain i tok moa, “Ol narapela bisnis bai i toktok long dispela long Ogas 11 na bai fainel disisen i kamap long dispela proposal bilong KSL.” Bihain long dispela bung ICCC bai mekim las toktok bilong en long dispela askim bilong KSL. Bihainim protokol bilong COVID-19 liklik namba manmeri na ol bisnis haus bai kam long dispela bung.

Samantha Solomon i raitim