MAF i minim wanem samting tru long yu? Yu inap putim wantaim olgeta wok bilong MAF long PNG na nid bilong MAF long stap long PNG long wanpela logo?

MAF i redi long selebretim 70 aniveseri bilong em long 2021, mipela i askim ol pipel long yusim tingting na kamapim wanpela MAF 70 aniveseri logo. Mipela i kisim 19 entri pinis na mipela i amamas long ritim. Entri i bin op long ol pipel bilong PNG na ol lain husat i wok wantaim MAF long PNG.

MAF tim bilong PNG, nesenel na intanesenel i bin skelim gut olgeta disain na ol i makim wanpela wina i makim bipo taim na nau bilong MAF.

Man husat i bin winim logo resis em Simon Wamo, bilong Maunt Hagen.

Olsem prais bilong em, Simon Wamo bai kamap pes bilong MAF long PNG 2021.

Ol arapela lain husat ol disain bilong ol i bin orait liklik em Israel Kaupa (Gumine, Simbu), Michael Paul Kumo (Kerowagi, Simbu), Joy Suarika (Goroka,, Isten Hailans), Anna Rayner (United Kingdom). Dispela 5-pela bai kisim MAF PNG aniveseri prais bilong ol long dispela yia.

Mipela i tok tenkyu long olgeta lain husat i bin salim ol disain bilong ol i kam.