Details

Published: 09 July 2021

Gender Based Violence or kain pasin blong ol man isave paitim ol meri em i bikpela problem long Papua New Guuinea na Manolos Aviation kampani inau help long sampela wok we igohet long stopim dispela heve long kantri.

Read more ...

Details

Published: 09 July 2021

• COVID-19 i wok long kilim planti moa manmeri long Indonesia na ol saveman i tok klostu bai kamap wankain olsem ol hevi i bin kamap long India.
• Wanpela saintis husat i save long ol kain sik olsem i tok wok bilong dispela banis sut bilong COVID-19 i no kamap bikos gavman bilong Indonesia i no givim stretpela infomesen i go long ol pipel.
• Ol i tok ol toktok bilong gavman i wok long paulim ol pipel.

TUPELA wik i  go pinis COVID-19 i bin kilim papa bilong Gusman Suherman.

Mista Suherman i tok papa bilong em i bin paul long kain kain giaman toktok em i wok long harim long COVID-19 long ples bilong em long Bandung, Wes Java.

"Em i bin kisim infomesen long WhatsApp olsem sapos em i go long haus sik, bai ol i givim dispela vairus long en,” Mista Suherman i tok.

Em i tok long taim papa bilong em i kisim dispela kain infomesen em i bin pret long go long haus sik maski em i bin sik nogut tru.

Moa pipel long Indonesia i wok long kisim dispela sik nau na ol dokta i wari olsem dispela sik bai kamapim bikpela hevi olsem i bin kamap long kantri India.

Las wik, Presiden Joko Widodo i tokaut long ol nupela imejensi lo Indonesia bai i mas bihainim long stopim sik i kalap i go hariap tru long ol pipel. Ol haus sik na ikwipmen bilong helpim ol sikman i sot tru nau.

Las wik ol rekot i soim olsem olgeta wik samting oIsem 20,000 pipel i wok long kisim COVID-19.

Long komyuniti bilong Mista Suherman, CIDIV-19 i bin kilim 9-pela manmeri long dispela wik wantaim papa bilong em. 

Em i tok bipo em i no ting bai dispela vairus i kilim famili bilong em tasol nau em i luksave olsem ol giaman toktok long sosel midia i wok long stopim ol pipel long banisim ol yet long dispela wik.

"Mi wari olsem dispela kain infomesen bai i paulim tingting bilong ol manmeri na ol i no inap long traim painimaut sapos ol dispela toktok i tru o nogat. Ol i no save husat tru bai i ken tokim olsem sapos stret sapos ol dispela stori i tru o nogat," em i tok.

"Ol i lukim stori long sosel midia na ol i bilip ol giaman toktok."

'Herd stupidity'

Wanpela savemen bilong ol sik long University of Indonesia, Dr Pandu Riono, i tok dispela pasin i kamap nau long Indonesia em i olsem "herd stupidity", ol manmeri harim ol paul toktok na ol i kirap bihainim tasol. 

"Indonesia i kamap olsem wanpela kantri bilong 'herd stupidity'. Pasin bilong ol pipel i wok long mekim dispela vairus i wok long senis na kalap hariap tru i go kam long moa pipel," Dr Riono i tok long sosel midia pes bilong em.

Em i tok ol gavman opisa i salim kain kain toksave na i no wokim gutpela disisen na moa pipel long Indonesia i no bihainim ol helt protokol long stap seif. Em i tok planti bilong ol i pret long kisim banis sut bilong COVID-19.

Dr Riono i tokim ABC olsem em i stat long yusim dispela hap tok "herd stupidity" long taim em i lukim ol manmeri i wok long raun i go long famili bilong ol long ol ples longwe long selebretim Eid al-Fitr, bikpela holide bilong Islam.

"Ol i no laik stap long haus na stopim sik long kalap i go i kam. Ol i kirap i go long asples bilong ol na salim stori long sosel midia sapos ol i go gut o sapos ol i bin bungim sampela salens long taim ol i kamap long boda,” em i tok.

"Dispela em i pasin bilong “herd stupidity”, ol i no wari long dispela sik na bikpela kraisis i kamap.”

Details

Published: 09 July 2021

Athletics Papua New Guinea bai salim wanpela athlete tasol long go makim kantri long Tokyo Olympic Games we bai start long namba 23 long July.

Read more ...

Details

Published: 04 July 2021

PRESIDEN bilong Atonomus Rijon bilong Bogenvil, Ishmael Toroama, i tokaut pinis olsem long namba 1 de bilong Septemba 2025, bai Bogenvil i kisim independens long Papua Niugini.

Read more ...

Details

Published: 09 July 2021

Ol papagraon long West Coast blong Santo Island oli gohet blong toktok aot long wari blong ol nogut despla kampani Vanuatu Forest Industry Limited, bai go na katim odaon ol gutpla bikbus blong ol.

Read more ...

Details

Published: 04 July 2021

WOK bilong givim COVID-19 veksin long Westen Provins i wok long ran isi isi yet.

Read more ...

Details

Published: 09 July 2021

Deputy Praem Minista blong Vanuatu itok inogat basis or gutpela risin wai Opposition Leader bai em mekim wanpela offisol komplen igo long ol polis blong investigetim ol claim blong "conspiracy to pervert the course of justice" agensim praem minista, deputy PM na sampela moa gavman lida.

Read more ...

Details

Published: 04 July 2021

PLANTI ol lidameri long Hailans rijon i no wanbel long faivpla risev sit em nesenel gavman i toktok long en.

Read more ...