United Kingdom (Inglen) i gat wok mak long givim COVID-19 veksin long 15 milien pipel
bilong en insait long tupela mun tasol.

Long kamap long dispela mak em i mas yusim ol hap we i gat bikpela spes inap long
holim 1,000 man, meri na pikinini long wanpela de.
Dispela ol hap i mas i gat gutpela win i ran i go i kam, i mas i gat ol bikpela dua na
gutpela spes we ol helt atoriti i ken stretim ples bilong wok. Long ausait i mas i gat planti
spes bilong ol kar long sindaun o i go i kam.
Long mekim dispela i kamap ol i stat yusim pinis ol spots stedium, ol olpela katedral na
ol nait klab olsem ples bilong kisim COVID-19 veksin.