KONTROLA bilong Nesenel Pendemik Rispons na Polis Komisina David Manning i singaut
long olgeta sevis provaida long Nesenel Kepital Distrik long strongim lo bilong “No gat Mask-
No gat Sevis”

“Mi laik strongim ol sevis provaida long no ken isi long lo bilong “no gat mask-no gat sevis”.
Yupela i mekim gutpela sevis bilong ol famili na komyuniti bilong yupela long dispela pait
bilong daunim COVID-19.
“Mipela long Nesenel Kontrol Senta i sapotim yupela long senisim stail bilong yupela long
mekim bisnis na yupela i lukautim ol kastoma, ol wokmanmeri, na ol famili bilong yupela
long COVID-19,” Mista Manning i tok.
Mista Manning i tok Nesenel Kontrol Senta (NCC) i painim ol ples we ol i ken yusim olsem
aisolesen senta sapos ol aisolesen fesiliti olsem Rita Flyn Kot long Boroko na Aquatic Senta
long 3 mail i pulap wantaim ol COVID-19 sikmanmeri bikos namba i wok long i go antap.
“Ol Provinsal Helt Atoriti tu i gat wokmak aninit long nupela lo long kisim na lukautim ol
COVID-19 sikmanmeri insait long wan wan provins bilong ol,” Kontrola Manning i tok.

Rebecca Negere i raitim