PAPA bilong kantri na LIDA man husat planti save kolim ‘Papa bilongkantri’ namba wan praim minister bilong Papua Niugini, Gren Sif Sir Michael Somare long Sarere, Julai 25 i launsim nupela logo bilong MadangTurism Indastri Asosesin (MTIA) long Madang Risot Hotel.

Gren Sif Sir Michael i bin wokabaut isi isi tasol i go antap long stes wantaim sapot i kam long gutpela fren bilong em na long-taim Madang bisnisman na foma gavman minista Sir Peter Barter long givim toktok bilong em na i launsim nupela logo bilong MTIA.

Sir Michael em i winim 80 krismas pinis na long dispel nait long taim bilong launsin gem i toktok isi na i ridim toktok i stap long pepa. Planti i soim sore na stap isi tasol long harim toktok bilong dispel trupela lida trupela papa bilong PNG.

Dispela nupela logo bilong MTIA i soim piksa bilong tumbuna seiling bot o kanu ol i kolim ‘Balangut’ em ol asples Bel pipe lbilong Madang taun eria na ol viles klostu i save yusim long tred o ron long solwara i go olsem long Raikosna not kos long bringim ol samting na sensis i go kam bihainim local kastom bilong pastaim. Nupela logo em wanpela biknem atis bilong Madang tude, Robert Banasi bilong Madang Arts Maniacs (MAM) i kamapim long promotim wok bilong MTIA long PNG na ovasis.

Sir Michael long toktok bilon gem i askim ol pipel long Madang long lukautim gutpela ples bilong ol nanoken bagarapim wantaim hevi bilong lo naoda na em i askim ol long lukautim bus, graun, wara na solwara bilong ol nat ingting bihain taim bilong ol pikinini na tumbuna bilong ol.

Sir Michael i bin stap olsem wanpela spesel gest long seremoni em Madang Rotary Klab i ogensaisim long lukim pajent o lain yangpela meri i resis long kisim taitol bilong Miss Madang.

Ol lain husat i stap insait long MTIA em lain i makim ol gest haus, lods, hotel narisot, edukesen institusen, polis nabalus kampani.

Long sampela wik i go pinis ol dispela lain i Iautim bel-wari bilong ol insait long dispel taim nau we Korona Vairus o Covid-19 i kamapim lok-daun na pasim rot bilong o lturis long bringim nupela mani I kam insait long PNG long sapotim turis indastri.

Wanpela bikpela samting ol lain turism indastri lain i toktok long en em wanem kain rot ol i ken kamapim na nidim gavman sapot tu long sait long promotim turism divelopmen long Madang provins.

Sir Peter, husat em lida we i promotim na wok insait long turism planti yia i tokaut olsem gavman i no luksave tumas long turism indastri.

Em i tokaut olsem gavman i lukim olsem turism indastri em wanpela maina i indastri we i no givim moa helpim long ekonomi bilong kantri.

Sir Peter i tokaut olsem ol i askim nau gavman sapos gavman i ken helpim turism indastri na ol ol bisnis we i pas wantaim indastri na daunim ol takis long taim bilong Covid-19, bikos long dispela rot tasol bai i ken helpim bisnis stap laip yet. Sapos nogat helpim i kam long gavman bai lukim turism indastri i daitu long nau taim bilong Covid-19 na ‘niu nomal’ na rot gavman i ken helpim.

James G. Kila i raitim