RAN bilong balus i go kam longTekin long planti mun nau, i bin kamapim planti salens bikos long dispela sik, COVID-19. Long taim sik i kamap, Nesenel Gavman i bin wari long helt bilong ol pipel bilong en na i bin gat tambu i kamap. Ol skul i bin pas long dispela taim.

Nius bilong dispela sik i bin kamap long Tekin, Oksapmin veli long Sandaun Provins long 24 Mas 2020. Glenda i bin raitim dispela stori long sosel midia.

“Ples em i seif hap long stap,” em hap tok kandre meri bilong mi i bin tok long Facebook. Na dispela hap tok i tru hia long PNG tu. Praim Minista i pasim olgeta skul long PNG asde, olsem na olgeta studen bilong mipela i go bek long ples nau. Mipela planti tumas i stap long liklik spes long skul olsem na ol studen bai stap seif long ples bilong ol longwe long ol arapela lain. I gat tambu long ol balus i flai tu olsem na mipela i no ting bai i gat balus i kam long ples balus bilong mipela long neks mun. Mipela i gat ol gaden kaikai na ol gutpela komyuniti olsem na bai mipela i orait.”

Bihain long sampela de, Glenda i rait na tok: “I no gat wanpela nois long skai.”

Ol skul i op gen long mun Me. Pastaim i bin gat wanpela komyuniti miting i kamap long 4 Me long soka fil bilong skul long toksave long ol pipel.

Glenda i rait na tok, “Mipela i tok klia long mining bilong ‘nupela nomol’ na bihain mipela i kisim ol studen i go insait long ol klasrum. Ol papamama i bin sindaun harim gut ol dispela toktok na i sapotim dispela nupela pasin. Ol leson bai kamap tumora. I bin gat wanpela hevi i kamap. Wanpela manki long gret 10 i bin dai long taim skul i pas. Em i bin gat infeksen long lek bilong em long dispela taim. Olgeta lain husat i kam insait long skul nau i wok long yusim ol stesin bilong wasim han.”

Sampela studen i lukim dispela na ol i raitim tingting bilong ol long COVID-19 na husat bai go o kam long balus. Hia em sampelatingting bilong ol:

• Ol lain husat i pas i stap long Tabubil inap 5-pela wik.
• Ol pipel i pret long COVID-19 na i laik kam bek long ples.
• Ol awenes tim i stap olsem ol kalabus bikos long dispela lokdaun.
• Ol pipel husat i karim ol impoten infomesen bilong COVID-19.

Hia em sotpela lista bilong ol samting ol studen i ting balus bilong MAF i save karim i kam.

Marasin bilong haus sik na ol helt senta, ol teks buk, ink, ol kaikai, material na tuls bilong nupela sekenderi skul, salim ol samting bilong ol famili husat i stap longwe, ol ilektronik guds, ol sut olsem penesilin, ol samting ol pablik sevan i nidim na laikim ns husat i helpim ol pipel bilong mipela, ol katen tin pis, ol sia bilong skul, ol aidia, ol samting em ol lain bilong ol ovasis kantri husat i kam lukim mipela i salim i kam, ol buk na pensil, ol klos mipela i werim na ol samting bilong mekim mipela i stap klin, ol eksasais buk, rula, pensil, sped, busnaip, kompiuta, wara tenk, ol beg rais, Bilum Buk bilong Oksapmin Sekenderi skul, disasta kaikai long taim tait wara i kamap, saksak, banana, taro na kumu, ol dok na pik bilong ples, Baibel, ol diksineri, ol sia na tebol, kofin bilongol lain idai, ol beg kago bilongol pipel, ol bum buks, ol seken hen klos beg, kaikai bilong skul mes, ol eksam pepa bilong mipela, karim planti ol gaden kaikai i go long ol pipel long taun i ken kaikai gutpela kaikai...

Bihain long harim tingting bilong olgeta studen long wanem kain ol samting i save kam na go long balus bilong MAF, wanpela studen i tok, “Ok! Ok! Mi klia nau! Em i helpim long sotim longpela rot bilong mipela i wokabaut long Vanimo i kam long Tekin wantaim ol kago bilong mipela.”

Mandy Glass i raitim